 .dsy:it. ~ c3ru's journal ~ Cadene |
|
|
|
» |
Messaggio mandato da un anonimo dalla provincia di Verona, in risposta a
tutte le catene di S. Antonio che ha ricevuto.
Gavi' da piantarla! De mandarme cadene del porco ...e simili, tipo che el
mondo l'è belo ma solo se rispedisso tuto subito, se no son sfiga', come el
negro de l'Alabama che no ga' risposto a quatromilasinquesento imeil e no
ga' fato in tempo a dir "a" che l'era za col vestito de legno (tradotto:
morto e stramorto), o el cauboi John, tessano, che ghe casca' i maroni
parché nol ga risposto, etc, etc. Par no parlar de quei che me manda imeil
disendome che sicome ghe un provaider (fatalità american) che par ogni imeil
che ghe riva el dà un centesimo in beneficensa ala lota contro la peste
scaveona, e alora bisogna mandarghene a seci... me gà rotto i cojoni! O
staltro che el gà na fiola con na malatia rarisima che nissuni sa cosa lè
(sto qua el sta in missuri), che el te dà anca el numero de telefonin parché
te ghe telefoni ti (credeghe!) a darghe notissie su le cure possibili (che
po' se te guardi le date te scopriressi che xe passà almanco tri ani da che
lè partia la cadena, quindi tanti auguri...). A mi te me vien a domandar
robe mediche, che vivo in frassion de Isola dela Scala a Verona e son gnaca
bon de tacarme un ceroto? Po' quei che me dise che ghe el virus dela posta
eletronica che se non te ste atento telo ciapi anca ti e lè pezo che andar
co na nigeriana (e saven tuti a cosa se va incontro...), alora te ghe da
riempir tuti de imeil etc etc... Quei po'... che me manda la fotocopia del
centro antitumori de Aviano dove i senzsiati te dise che i ovi condii i fa
vegner el cancro a l'usleo... e che farse un sciampo lè peso de fumarse tri
steche de "ms sensa filtro". Ancora quei contro i giaponesi, che secondo
lori i metaria i gati e le butiglie, co l'urlo de bataglia "impenemoghe el
sito!"... Par non desmentegarme de ci me manda scrito che ghe quei dela
Erisson che i da via i telefonini come i fusse bagigi e adiritura che lori i
là proà e funsiona (!?!): basta "inviar el mesagio a tuti quei che te
conossi" e te si a posto: tempo do stimane e riva el sior Erisson, Mario
J.J. Erisson in persona, aministratore delegato dela dita omonima o anonima,
non me ricordo coma se dise, il cuale sa tute le meil che te mandi, e
teporta sul porton de casa el scartosso col telefonin ultima generasion col
Trial Band e il giprrs e custodia de pitone ancora che se move... A sto
punto feme un piaser: mandime foto porno, film porno, barzelete e putanade
varie ma BASTA CO STE CADENE! Che n'altro poco a verzo na feramenta e taco a
vendarle. Con la speranza che sta meil no la riva in luisiana a una che le'
drio farse i cassi soi...
|
|
|
 mood:
(none) |  now playing: (none) |
| Commento di LazerPhEa |
06-11-2004 11:44 |
|
|
» |
:lol::lol::lol::lol::lol::lol::lol::lol::lol::lol:
Sono piegatooooooo!!!!!!!
:lol::lol::lol::lol::lol::lol::lol::lol::lol::lol: |
|
| Commento di Ste Ramone |
06-11-2004 11:44 |
|
|
» |
:asd: |
|
| Commento di Alf |
06-11-2004 11:44 |
|
|
» |
Grande grande grande.
Sto morendo dal ridere ... :lol: |
|
| Commento di REQUIEM |
06-11-2004 11:44 |
|
|
» |
[i]mandime foto porno, film porno, barzelete e putanade
varie[/i] |
|
| Commento di mayetta |
06-11-2004 11:44 |
|
|
» |
[quote]e custodia de pitone ancora che se move... [/quote]
:rotfl: |
|
|
|
|
.dsy:it. ~ c3ru's journal ~ Cadene
mood:
(none) | 
now playing: (none)