 |
MamboJambo#24 |
:: visual designer ::
Registered: Feb 2003
Posts: 563 (0.07 al dì)
Location: zona Mondo
Corso: comunicazione digitale
Anno: già dottore
Time Online: 8 Days, 3:14:09: [...]
Status: Offline
Edit | Report | IP: Logged |
[LOL] Catene di S. Antonio!
Cortese risposta a chi inoltra Catene Di San Antonio... 
--
Gavi' da piantarla!
De mandarme cadene del porco... e simili, tipo che el mondo l'è belo ma solo se rispedisso tuto subito, se no son sfiga', come el negro de l'Alabama che no ga' risposto a quatromilasinquesento imeil e no ga' fato
in tempo a dir "a" che l'era za col vestito de legno (tradotto: morto e stramorto), o el cauboi John, tessano, che ghe casca' i maroni parché nol ga’ risposto, etc, etc.
Par no parlar de quei che me manda imeil disendome che sicome ghe’ un provaider (fatalità american) che par ogni imeil che ghe riva el dà un centesimo in beneficensa ala lota contro la peste scaveona, e alora bisogna mandarghene a seci... me gà rotto i cojoni!
O staltro che el gà na fiola con na malatia rarisima che nissuni sa cosa lè (sto qua el sta in missuri), che el te dà anca el numero de telefonin parché te ghe telefoni ti (credeghe!) a darghe notissie su le cure possibili (che po' se te guardi le date te scopriressi che xe passà almanco tri ani da che lè partia la cadena, quindi tanti auguri...).
A mi te me vien a domandar robe mediche, che vivo in frassion de Isola dela Scala a Verona e son gnaca bon de tacarme un ceroto?
Po' quei che me dise che ghè el virus de la posta eletronica.... che se non te ste’ atento te lo ciapi anca ti e l’è pezo che andar co na nigeriana (e savén tuti a cosa se va incontro...), alora te ghe’ da riempir tuti de imeil, etc etc...
Quei po'... che me manda la fotocopia del centro antitumori de Aviano dove i senzsiati te dise che i ovi condii, i fa végner el cancro a l'usèlo...
e che farse un sciampo l’è peso de fumarse tri steche de "MS sensa filtro".
Ancora quei contro i giaponesi, che secondo lori i metarìa i gati e le butiglie, co l'urlo de bataglia "impenémoghe el sito!"... Par non desmentegarme de chi me manda scrito che ghe’ quei de la Erisson che i dà via i telefonini come i fusse bagigi e adiritura che lori i là proà e funsiona (!?!): basta "inviar el mesagio a tuti quei che te conossi" e te si a posto: tempo do stimane e riva el sior Erisson, Mario J.J. Erisson in persona, aministratore delegato de la dita omonima o anonima, non
me ricordo coma se dise, il cuale sa tute le meil che te mandi, e te porta sul porton de casa el scartosso col telefonin ultima generasion col Trial Band il giprrs e custodia de pitone, ancora che se move!!!
A sto punto feme un piaser: mandime foto porno, film porno, barzelete e putanade varie ma BASTA CO’ STE CADENE! Che n'altro poco a verzo na feramenta e taco a vendarle.
Con la speranza che sta meil no la riva in Luisiana a una che le' drio a farse i cassi soi..
--
__________________
E un' altra volta è notte e suono,non so nemmeno io per che motivo, forse perchè son vivo e voglio in questo modo dire "sono" o forse perchè è un modo pure questo per non andare a letto
o forse perchè ancora c'è da bere
e mi riempio il bicchiere..
|
MamboJambo#24
